நான் பார்த்த ஊரும் நீ பார்த்த ஊரும்

நான் பார்த்த ஊரும் நீ பார்த்த ஊரும்

நானும் நீயும் இங்கே
நீயும் நானும் அங்கே
பேசிக்கொண்டேயிருக்கிறோம்
நம் ஊரைப்பற்றி

அன்றைக்கு எறித்த நிலா
பின் என்றைக்கும் எறித்ததில்லை.
முன் வீட்டு குருசாமி
தம்பியின் தாத்தா
அன்பான அப்பாச்சி
இப்படி
ஊரின் அலங்காரம் ஏதும்
இன்றக்கு அங்கேயில்லை.

உன் வீட்டு வாசல்
நாம் போட்ட கொட்டில்
காட்ஸ் அடித்த நாட்கள்
நாம் வளர்த்த கனவுகள்
என்னை வளர்த்த கனவு
எல்லாமும்
நினைவெல்லாம் நிலைத்திருக்கும்
நிஜமாக எது இருக்கும்?

நான் பார்த்த ஊரும்
நீ பார்த்த ஊரும் ஒன்றுதான்.
நீயும் நானும் பேசிக்கொண்டேயிருக்கிறோம்
நம் ஊரைப்பற்றி.
ஆனால்
நான் பார்க்கும் ஊரும்
நீ பார்க்கும் ஊரும் வெவ்வேறு.